Eh eh! Pa ladu li…
É ka sima kustuma ta fladu!
Txeu arguem ta labanta sedu!
Antis sol sai, djá stadu pé na kaminhu!
Duku Dja Bem Pro…
Kidy Préta!

Antis sol naci, nha mai dja sta na rúa,
Nha pai panha strada, pé txiga dentu d’hora,
Na paragi, tudu arguem ta spera,
Otocaru txiga, vida ta kóri faxi!

Metro, comboio, cada un na si caminho,
Homi ku mudjer, tudu ta luta ku força,
Pa família, pa fidju, pa ten un vida midjor,
Más txeu bês es ka ta da valor!

Fidju, pára un póku bu odja,
Kel arguem ki ta luta pa bô sta li,
É ta sai sedu, é txiga tardi,
É amor ki ta fazel kontinua!

Dás valor, dás valor!
Pa ken ki ta trabadja ku amor!
Sai sedu, txiga tardi,
Pa família ten un vida midjor!

Dás valor, dás valor!
Un abraço ka ta kusta nada, nhas mininus!
Bu pai ku mai, é pilon d’omi ku mudjer,
Nu ta luta rixu, nhós ten ki riconheci!

Sol ta dixi, más trabadju inda ka kaba,
Korpu sta stafadu, más kontenti simé,
Na obra, loja, rúa ou scritóriu,
Na limpeza, kuzinha ou laboratóriu,
Kada trabadjador ten si luta,
Ten un sonhu ki ke ka dexa kai!

Toka, toka, dexa kuça bai!
Aguenta kuça, aguenta kuça Kidy Préta!
Dal pa frenti, dal pa trás,
Ken ki ta trabadja mereci mutu más!

Eh eh!
Dás valor!
Eh eh!
Dás karinhu!

Eh eh!
Dás ruspetu!
Pa ken ki ta luta tudu dia!

Dás valor, dás valor!
Pa ken ki ta trabadja ku amor!
Sai sedu, txiga tardi,
Pa família ten un vida midjor!

Dás valor, dás valor!
Papá ku mamá, nu sta ku nhós!
Omi ku mudjer, nu ta djunta mó!
Ken ki ta luta mereci vitória!

Dás valor!
Dás valor!
Pa ken ki ta luta tudu dia!

Dás valor!
Dás valor!
Marylanah ta kanta pa si guentis!