N’odjau ta suri, nha mundu pára
Más é un surizu ki ka éra pa mi
Nôs nu ta fala di tudu y un pokinhu más
más nunka sobri kel kin kre enfim

Horas ki bu mo pega dimeu,
sém kre n’ta perdi palavra
bu abraçu é refugiu y tormentu,
é kalma, é kastigu, é bentu

Entri nôs, tem un paredi di sodadi
un segredu ki ka ta da pa konta
N’ta amau na un spássu di amizadi
Undi ki amor tem mêdu di naci

Bu ta kontan di dámas ku ranja
N’ta da un surizu pan disfárça
Ma nha korason ta grita em koris
Kin ka podi mostrau

Si distinu bira otu kaminhu,
seria bó ki n’tinha enfim?
Oh talvés perdi bu karinhu
era fin di mi?

Entri nôs, tem un paredi di sodadi
un segredu ki ka ta da pa konta
N’ta amau na un spássu di amizadi
Undi ki amor tem mêdu di naci

i horas ki noti txiga,
n’ta sunha ku kel k’ka podi sêr
Bu voz ta txoman na bentu,
más n’ta fingi man ka sta obi

Entri nôs, ten un fogu sukundidu
Dizêju proibidu, ki sa ta naci
i mesmu si tempu siparanu,
n’ta amau, más n’ka podi flau

Entri nôs… só silénsiu ta sabi.
Entri nôs… amor ka ta kebi li.